رواية مستشفى السعادة بقلم علياء عبد الصبور | كاملة
قيّم الرواية:
لا توجد تقييمات بعد
من أحداث الرواية
لو سمحتي.. استأذنك بس تساعديني أعدي الشارع. بصت للصوت اللي جاي من جنبها لقيته شاب أسمر طويل وفي منتهى الوسامة بنضارة سودة على عنيه. فكرت تساعده وبعدها ترددت.. يمكن بيمثل.. وازاي اصلا هتمسك أيديه وتعديه الشارع. ردت: _ حاضر.. ثواني هشوف حد يساعدنا احنا الاتنين. _ اية ده انتي كمان مش بتشوفي؟ _ لا بشوف.. بس بخاف أعدي الشارع. _ ما تقلقيش.. امسكي بس العصاية بتاعتي معايا وسمي الله ويلا بينا. _ امسك العصاية ازاي يعني. ابتسم وقال: _ ما انتي اكيد مش هينفع تمسكي ايدي يعني. _ طيب استني. بصت حواليها فلقيت راجل.. طلبت منه بصوت واطي انه يعديه الشارع. قرب الراجل ومسك ايده وعداه. عدت هي جنبهم، شكره ومشي بعدها من غير حتى ما يسأله اذا كان محتاج حاجة منه ولا لا. سألته هي: _ انت مش شايف بجد؟ ابتسم وقال: _ انتي لسة هنا. _ أيوة.. هو انت مش شايف بجد. _ اه والله مش شايف بجد....
