رواية زوجة ابليس بقلم روزان مصطفى | كاملة
قيّم الرواية:
لا توجد تقييمات بعد
من أحداث الرواية
جلست والدتها بجانبها على الأريكة في الشقة الجديدة وهي تقول: صباحية مُباركة يا عروسة. نظرت لها إبنتها بطرف عينيها وهي تقول: ماما من فضلك أنا عاوزة أروح معاكِ. ضحكت والدتها لتقول بهدوء: متهزريش الهزار دا ربنا يثبت عتبتك ويخليكم لبعض. أدارت رباب وجهها لوالدتها وهي تقول: أنا مبهزرش يا ماما! أنا خايفة ومنمتش طول الليل! نظرت لها والدتها بريبة وهي تقول: إيه الكلام دا! هو مش إتكتب كتابكم وحط إيده في إيد أبوكِ! رباب بخوف: يا ماما أنا محضرتش كتب الكتاب، أنا قالولي ادخلي وقعي على العقد ووقعت وخرجنا أنا وهو سوا! حتى بابا مكانش قاعد. معرفش في إيه مكُناش كُلنا موجودين غير في الفرح! وإنتِ مقعدتيش معانا في كتب الكتاب! قالت والدتها وهي تتذكر: مقعدتش معاكم عشان أبوكِ رفض أحضره. إنتِ تُقصدي إيه مش فهماكِ؟ رباب بصوت مُنخفض: أقصد إن العريس دا غريب، هو بابا مجاش معاكِ ليه؟ أجابت والدتها بحُزن: تعبان وطول الليل يرجع. عملتله شوربة دافية وسيبته...
