رواية عروس الرمال بقلم الضوء- ادم- بشير | كاملة

الفصل الاول 1 بقلم الضوء- ادم -بشيراخوي الصغير تصرّفاته بقت غريبة شديد، ودائماً بتصرف بغرابة كأنه ما أخونا ولا كأنه بني آدم.. في يوم كُنا قاعدين أنا و هو وباقي ناس البيت اللي هم أمي وأبوي،، فجاة بدون مُقدمات وقف على حيلو بسرعة، خلّانا كُلنا نتخلع من حركته دي، ابوي قال بسم الله وسأله: في شنو يا ولد مالك؟! بس كان ساكت وخاتي عيونو وبعاين بإتجاه باب المطبخ. ابوي رجع سأله تاني: يوسف يا ولد أنا بتكلم معاك!. حتى أنتبه لأبوي وقال ليه بنظرة فيها إحراج: مافي شيء يا أبوي، بس اتذكرت لي حاجة كان مفروض أعملها، لكن نسيتها. ابوي قال ليه: وطيب مالك سرحت كده؟!. قال ليه: ساي بس، أنا قلت ليك ماف شي يا ابوي. حسيت طريقة كلامه أتغيّرت لما ردأ علي ابوي ب أخر كلام، قُمتَ أتكلمت انا وقلت ليه: خلي عندك إحترام وأنت بتتكلم مع ابوك، لأن لاحظتَ ليك وأنت بتغير في أسلوبك، فالأحسن تتأدب. قال...