رواية دواء قلبي بقلم سلمي عبد الجليل | كاملة

آياي؟! ... إيه اللي بتقوليه ده؟ دا سيف: هو أنا قلت إيه. بقولك إن عمرو بيحبك. إيه الغريب في ده؟ سجا بفرحة: يعني انت متأكد إنه بيحبني؟ يعني بيحبني زي ما بحبه؟ دا سيف: آه والله. هو اللي قالي. وقالي إنه عايزني أعرفك، وناخد معاد من عمو سامي عشان ييجي يطلب إيديك. سجا بفرحة ودموع: أنا مش قادرة أوصف إحساسي. أنا مبسوطة أوييي. أخيرًا أخيرًا ربنا هيجمعني بأكتر إنسان حبيته في حياتي. دا سيف: الحمد لله. عن إذنك يا سجا، هطلع شقتي. سجا: أوكي باي. وأنا هشوف بابا وأقولك المعاد عشان تعرفه. دا سيف: أوكي باي. دا سيف طلع شقته. وأخيرًا بقى لوحده. وهيخرج كل اللي جواه. فضل يصرخ ويعيط زي الطفل. دي أكتر بني آدمة هو حبها في حياته. محبش غيرها. هو اهتم بنفسه عشانها. بقى عنده حلم عشانها. هي أساس حياته. إزاي هيقدر يشوفها وهي بتروح لغيره؟ وغيره ده يبقى أعز صديق ليه. دا سيف بعياط ووجع: ليه؟...