رواية جاريتي الصغيره بقلم سمسمة سيد | كاملة

"يا نجوي، ليه الخدم بيجروا في القصر كده؟" سألتها وهي جالسة على المقعد تمضغ طعامها. نظرت نجوي إليها باستنكار وقالت: "داده داليا ما قالتلكيش إن آدم بيه راجع النهارده القصر؟" هزت رأسها بالنفي. قالت نجوي بسخرية: "أصلك قاعدة باردة وبتأكلي ومش عاملة حاجة. بقولك إيه يا كابر، مش معنى إن داده داليا وافقت تخليكي تشتغلي هنا من غير ما آدم بيه يشوفك، يبقى تقعدي كده وتكبري دماغك من كل حاجة. فوقي يا حبيبتي، لازم كل صغيرة وكبيرة تاخدي بالك منها عشان تكملي في شغلك هنا." زفرت كابر بتذمر وقالت: "أوف عليكي، الواحد ما يطلعش منك بمعلومة غير ومعاها موشح تهزيق. خلاص عرفنا." هزت نجوي رأسها بيأس من تلك التي أمامها. قاطعهم دخول سيدة يبدو عليها التقدم في العمر، فصرخت بهم: "انتوا قاعدين هنا وسايبين شغلكم؟" هبت كابر واقفة بفزع وقالت ببراءة: "دي نجوي يا داده، اللي قعدتني وقعدت ترغي. أقولها ورايا شغل، أبداً. طب يا بنتي، داده داليا هتزعق، أبداً....