رواية حاول ان تلمسها بقلم صالح الديب | كاملة

النهاردة أول يوم ليا في الشغل، وأنا بطبعي بحب أعمل شغلي بنفسي، مش بحتاج مساعدين. وبعد وصولي للمكان بربع ساعة، لمحت ناس شكلها غريب في المكان ولا ينتموا للمكان ده بأي صلة. وفضلت أتابع من بعيد، هما تقريباً مجموعة مكونة من ست أشخاص. وفجأة لقيتهم بيوقفوا بنت وبيحاولوا يخرجوها من المكان بالعافية. كل ده وأنا واقف مكاني. لحد ما جه وقت الجد ولقيت القائد بتاعهم مسك البنت من إيدها وبيشدها. اتحركت عليهم، وماشي في طريقي والبنت فلتت إيدها منه وبترجع بضهرها. لقيت نفسها بتتصدم في حيطة. أيوه أنا. ومن غير نقاش، دورت الضرب فيهم. بم طخ بم طخ، مخلتش حد فيهم واقف على رجله. وبضرب آخر واحد، قام الدكر اللي فيهم مطلع سكينة من جنبه وبيحاول يضربني في ضهري. هنا سمعت صوت البنت وهي بتقول: "خلي بالك". مسكته. عدمت العافية، مبقاش شايف قدامه خطوة، حرفياً. لقيت البنت بتتكلم: "هاي، أنا جنا. متشكورة قوي." "أنا... مش وقت شكر دلوقتي خالص، اركني...