رواية ترويض الزين بقلم ولاء محمد | كاملة

ازاي ياماما، فهميني انتي ازاي وفقتي عليه كده؟ أنا طبعاً مش موافقة. الأم: يا نور اهدي بس، أنا غصب عني. عمك هيرمينا في الشارع. نور: سبيني لوحدي دلوقتي ياماما. الأم: طب فكري يا حبيبتي. نور بعصبية: ياماما سبيني. الأم خرجت ووشها كله حزن على بنتها. عم نور كان برا. العم بلهفة: ها، عملتي إيه؟ الأم: مش عارفة. العم: يعني إيه مش عارفة؟ اسمعي بقى، أنا مش بعد كل التخطيط ده، واللي وصلت له، بنتك هتبوظه بالهبل اللي هي بتعمله ده؟ وانتي فاهمة الأضرار، ممكن تحصل. (ونظر لها بنظرة ذات مغزى) وكمل كلامه: ولا كمان عاجبك كلام الناس على بنتك اللي من ساعة ما أبوها مات وهي بترفض في العرسان لحد ما خلت الناس تقول إنها ماشية على حل شعرها؟ الأم بعصبية: قطع لسان أي حد يتكلم على بنتي دي! نور أشرف من الشرف، ولا هي عشان بتشتغل وبتصرف علينا بقت خلاص مش كويسة؟ حسبنا الله ونعم الوكيل في كل من...