رواية عاصفة الهوى الجزء الثالث بقلم الشيماء محمد | كاملة
قيّم الرواية:
لا توجد تقييمات بعد
من أحداث الرواية
في فيلا الصياد سلوى خرجت من أوضتها على دوشة ومستغربة. "في إيه يا عواطف؟ إيه الدوشة اللي انتي عاملاها دي؟" عواطف دخلت الفيلا وأول ما شافتها زغردت. سلوى لمحت سيف وهمس في إيده داخلين، فنزلت السلم بسرعة وبفرحة كبيرة. مدت إيديها لابنها اللي قابلها هو كمان وشالها من على الأرض بحب. "وحشتيني يا روح قلبي." ردت بفرحة: "وانت ما تتخيلش واحشني قد إيه يا سيف! اخص عليك مش كنت تبلغنا نستناك في المطار؟" نظرت لهمس وحضنتها هي كمان بود. "فكرة مين فيكم دي؟" همس بصت بمرح لسيف اللي ضحك. "بتبيعي وقتي انتِ." ضحكوا، فكمل بتبرير: "انتِ عارفاني من زمان، ما بحبش أعرفكم ميعاد نزولي، ده مش جديد عليا." سلوى بعتاب: "يعني قلت هتتجوز تعرفنا بقى نستعد لاستقبالكم، حتى يا أخي ننضف الجناح مثلا." سيف بص لعواطف: "أوضتي مش نظيفة؟" ابتسمت بثقة: "بتلمع." ابتسم لها وبص لأمه: "عارف إنها دايما نظيفة، عايزة تستعدي لإيه بقى؟ ولا عايزة تفضلي قلقانة من أول...
