رواية الهجينة بقلم اسماعيل موسي | كاملة

لو حد قالك فيه بيت مسكون بالأشباح، متتكبرش وتعمل نفسك فيها راجل. مترتكبش نفس الغلط اللي أنا ارتكبته. لأن الشر ملوش آخر، وبعض اللعنات مش أشباح، بل أرواح ماتت مظلومة تحمل جواها غضب مستعر. البيت ده مسكون يا أستاذ إسماعيل، الأشباح مسيطرة عليه، مش بيسمحوا لأي بشر يسكنه. ما عفريت إلا بني آدم يا عم حارس. أنا عارف إنك صعيدي وقلبك حجر، لكن يا ابني الأمانة بتحتم عليك تقول الحقيقة. مش عيب الإنسان يكون جبان أحيانًا! هات المفتاح يا عم حارس، واتكل أنت على الله. متنساش تبعتلي البنت اللي قلت عليها تنضف البيت. هابعتهالك حاضر. البيت من طابقين، ذو طابع فيكتوري إنجليزي، عجبني تنظيمه جدًا من جوه. بحب الروح الغربية في الديكور. نزلت الشنطة ولقيت بنت داخلة عليا، اندهشت إنها شابة عشرينية مش بنت صغيرة، خاصة إني صغير في السن زيها. لابسة جيبة ضيقة قصيرة وبلوزة، وشعرها مسرّح على رأسها. ملامحها حلوة، وإن كانت ملابسها قديمة شوية. قلتلها: "أنتي اللي...