رواية كيان زياد بقلم شهد فراج | كاملة
قيّم الرواية:
لا توجد تقييمات بعد
من أحداث الرواية
انت اتجننت ولا أي يا مراد؟ نقاب إيه اللي أقلعه يوم الفرح؟ بدأ يتكلم بعصبية مفرطة وصوت عالي: لا يا كيان، ماهو أنا مش عامل قاعة بالشئ الفلاني عشان حضرت جناب العروسة هتلبس نقاب. بصيت حواليا لقيت الناس كلها بتبصلنا بسبب صوتنا اللي علي، فحاولت أهدّي وأتكلم بصوت واطي: مراد لو سمحت اهدى شوية لأن الناس بتبصلنا. بلا اهدى بلا زفت، أنتِ أكيد مجنونة يا كيان؛ لأن مفيش عروسة بتحلم بالخيمة دي يوم فرحها!! دموعي بدأت تنزل من صوته العالي المنفّر، وحمدت ربنا إن النقاب كان مخبي كتير في اللحظة دي. خدت نفس براحة وأنا بمسح دموعي وحاولت أهدى أكتر: مراد، أنت عارف قد إيه أنا بحب نقابي ومش مستعدة أبداً إني أقلعه ولو لأي سبب كان! بصلي بعصبية: تقدري تعرفيني هترقصي إزاي وتفرحي مع أصحابك بال شوال ده؟ بصيت له باستنكار وضحكت بسخرية على تفكيره: أنت جايبني رقاصة ولا إيه يا مراد؟ ولا تكون جايبني منظر لأصحابك؟ كيان، أنا...
