رواية اللعنة بقلم مني حارس | كاملة
قيّم الرواية:
لا توجد تقييمات بعد
من أحداث الرواية
مكنتش عارفة هتروح فين بعد ما طليقها باع الشقة من وراها ورماها في الشارع هي وأولادها وباع كل حاجة لما كانت عند أختها تعبانة. وبعدها ساب البلد كلها وهاجر لبلد أجنبي وانقطعت أخباره، وسابلها التوأم اللي لسه مكملوش ست سنين. "سيف وسلمى" بنت وولد زي القمر، بعيونهم الزرقاء وشعرهم الكستنائي ولون بشرتهم البيضاء، كانوا بيشبهوا الأجانب كتير. بس للأسف الحلو ميكملش، كانوا من أصحاب الهمم واتولدوا بإعاقة. سلمى كانت كفيفة مبتشوفش من وهي لسه مولودة، وسيف كان مبيسمعش وكلامه تقيل. ودا كان سبب مشاكل صابرين مع جوزها اللي هرب وسابها. الزوج كان دايما بيتهمها إنها السبب والأدوية اللي كانت بتاخدها في الحمل هي السبب، وأن ربنا رزقه بطفلين مش طبيعيين زي باقي الأطفال بسبب أعمالها هي لوحدها، واشمعنى هو اللي أولاده كده معاقين وباقي أطفال العيلة كويسين. ومكنش حامد ربنا على أولاده، دايما محسسها إنها هي سبب إعاقة الطفلين. ودا كان سبب هروبه وبعده عن زوجته وأولاده. طلب منها قبل...
