رواية زهرة ربيع القلب بقلم فيروز عبد الله | كاملة
قيّم الرواية:
لا توجد تقييمات بعد
من أحداث الرواية
آخر حصة فى السنة ومش هشوفه تاني. كنت ببتسم بحزن وأنا سامعاه بيكلمنا زي إخواته الصغيرين عن مستقبلنا. وختم كلامه وهو بيقول: "هتوحشوني قوي يا جماعة.. من أجمل الدفعات اللي عدت عليا حقيقي." جسمي قشعر لما لقيتُه قال جملته الأخيرة وعينيه كانت عليا. "احم.. طب إيه ناخد صورة؟" لف ظهره لينا ورفع إيده بالتليفون. وهنا تكون انتهت قصتنا مع الفيزيا. وبالنسبة لي أنا مع مستر يحيى، حب عمري ونبض خافقي. فوقت من سرحاني على صوت سارة صاحبتي وهي بتخبط على البنش قدامي: "مروحين فركش خلاص." قمت معاها وأنا على الباب لقيت اللي بينغزني في ظهري من ورا. ببص لقيتُه مستر يحيى! قلت بتوتر ملحوظ: "نعم يا مستر؟" بص لي لأول مرة في عيوني، وكانت نظرته جادة. وطيت رقبتي من كتر التوتر اللي كنت فيه. أنا اللي كنت بتكسف أتكلم معاه أو أسأله حاجة في المنهج. واقفين أنا وهو نتكلم لوحدنا! يحيى: "فهمتي كويس يا زهرة؟" بصت له باستغراب شديد: "طبعًا...
