رواية علاقة ممنوعة بقلم كوكي سامح | كاملة
قيّم الرواية:
لا توجد تقييمات بعد
من أحداث الرواية
اليوم ده كانت المياه قاطعة من البلد كلها أكتر من 3 أيام. أمي جت من الغيط وقالت: "يلا روحي على حنفية، بلاش إللي على أول الطريق، واغسلي المواعين. البيت كله مش نضيف، وإنتِ قاعدة وسايبة الدار تضرب تقلب. قومي يا عيشة وخدّي حتة جبنة ورحّي لأبوكي الغيط." "عيشة ياما، تاني برضه؟ نفسي مرة واحدة تقولي عائشة." "يلا يا بت." "حاضر يما، بس هغسل المواعين ولا هروح الغيط؟" "الاتنين يا عيشة، قصدي يا عائشة هانم. هههههههه." "يما، أنا هاخد معايا سعيدة نعيم." "البت دي تاني؟ مش قولنا بلاش سعيدة." "يما، الناس ظالماها، والله البت كويسة. كل ده علشان لما اتجوزت الثري العربي علشان فلوسه وأطلقت. والله يما كان عندها حق، ما الفقر وحش. عارفة يما؟ أنا نفسي بعد ما أخلص الدبلوم أكمل تعليمي وأكمل في كلية تجارة وأبقى محاسبة قد الدنيا، وساعتها بس هرفع عيني في عين التخين. هي الشهادة وبس. وساعتها بقى هروح مصر وأشوف الخير كله، حياة جديدة. يما...
