رواية انتقام القدر بقلم انوش احمد و ولاء حامد | كاملة
قيّم الرواية:
لا توجد تقييمات بعد
من أحداث الرواية
صاحيه من النوم بتتمطع: يا فتاح يا عليم يا رزاق يا كريم، يا رب اكفينا شر النهار وما يتأتي فيه. طلعت من الأوضه وهي بتحاول تفوق. مريم: أنتي صحيتي يا قدر؟ قدر بمشاكسه: لا لسه نايمه وطلعتلك من الحلم. مريم بضحك: يا بت بطلي طوله لسانك اللي عايز قصة ده. قدر: في دينك تقدري تستغني عني ولا عن لساني؟ مريم: الصراحة لأ، هو اللي مهوّن عليّا. قدر: طيب ريحي شوية، الوقفة الكتير غلط عليكي، هاغسل وشي وأصلي الصبح وأجي أكمل الفطار. مريم: يا بنتي حرام عليكي صحتك، أنتي طول النهار بتلفي على رجليكي وتيجي بدل ما تريحي تعملي شغل البيت. قدر بابتسامة: متخافيش يا مريومة، أنا صحتي بومب والحمد لله، وزي ما بتقولي العافية للدود. مريم: بس مش في سنك، حرام عليكي أنتي لسه عودك أخضر وكفاية عليكي بهدلة الشغل. قدر: خلاص بقى، كان زماني صليت وخلصت، رغاية أنتي أوي يا مريم. مريم بابتسامة: مفيش ماما، كل مريم مريم، طب...
