تحميل رواية «زوجتي الصغيرة رومنسيه خليجية» PDF

شقة فيصل

صحت الصبح و هي حاسة بكسل مو طبييعي شافت الغرفة مو غرفتها استغربت وبعدين قالت : ايه نسيت اني

تزوجت وجه النحس

قامت و اخذت ملابسها و راحت للحمام اللي في غرفتها اخذت شاور و خلت شعرها على طبيعته و لبست تيشرت

ابيض و جينز

خرجت من غرفتها و هي تتمنى انها ما تلقاه لانه معاه ممكن يقتلها من حركاتها و سخريتها منه لقت الشقة هادية

تاكدت انه طلع راحت للمطبخ سوت فطورها و اخذت الصينية للصالة شغلت التليفززيون و جلست تتفرج على فيلم

اكشن و هي تاكل سمعت صوت الغرفة ينفتح بلعت اللقمه اللي في فمها و هي تقول انا غبيه كيف ما فكرت انه

بالغرفة ..... سوت نفسها مو منتبها عليه

اما عنده كان نايم من التعب ليله كلها وهو يفكر شنو يسوي معاها باينه متمردة و قوية سمع صوت في الشقة عرف

انها هي اللي صحت قام وراح للحمام اللي في غرفته و غسل وجهه وخرج من غرفته وهو ناوي انه يعصبها باي

طريقة

انصدم وهو يشوفها محضرة صينية فطور و حاطتها قدامها على الطاوله و ماقبلة التلفزيون و تتفرج على فيلم لا

و الله البنت ماخذة راحتها بزيادة هذا وانا ضاربها امس بكف و انا اللي كنت متوقع انها تقعد في غرفتها 24 ساعة

خايفة مني و تبكي على حظها لا مو معقوله في بنت كذا و اللي قهره اكثر انها ما خافت لما خرج من الغرفة ولا

ارتبكت و مكمله اكلها ......

قال وهو يبي يقهرها : ومنو سمح لك يا انسة روابي تاكلين قبل ما تستاذنين مني

روابي بدلع مصطنع وهي تسخر منه : لا .... تبيني استاذن من زوجي عشان اكل

و كملت بسخرية واضحة : حبيبي انت تدري اني انا وانت واحد فليش استاذن من زوجي

كان يبي يعصبها و اللي صار انه هو اللي عصب و قال : لا والله اجل صرت حبيبك وزوجك

روابي ببرود : ليش منو اللي ملك علي امس ولد الجيران .... لا ياروحي انت زوجي و هذا بيتي و اسوي اللي ابي

و ما حد له سلطه لي

فيصل و هو صاير بركان ثاير راح لها و مسكها من ايدها بقوة : عيدي شنو قلتي .... ما سمعتك

ردت وهي ناوية تعصبه اكثر : لا ما اعيد مو مشكلتي انك ما تسمع زين

زاد على قوة مسكته لها من ايدها : الظاهر تبين ادفنك حية

ردت وهي تضحك : ليش لاء على الاقل افتك منك

فيصل في نفسه هذي شنو ما تحس اشك انها بنت و الله ما قدرت لها ربت ما نفع عصبت عليها مانفع ابي اعصبها

الردود عندها جاهزة

دفها على الارض بقوه وهو يقول : روحي سوي لي الفطور

ردت بهدوء وهي تقوم من الارض رغم انها تالمت الا انها ما بينت : تبي فطور يا تسويه بنفسك والا اذا ما

تعرف قدامك الكوفي روح افطر فيها

ماني خدامتك حتى اسويلك

ضرب ايده في الجدار و هو يشوفها راحت لغرفتها و قفلت الباب و لا اهتمت

ما قدر يسوي شي دايما هي اللي تربح المعركة الي بينهم يبي بس يعرف كيف تتحكم باعصابها و هو اللي معروف

غامض و ما يعصب كثير بس صار ما يمسك نفسه معها

حرك راسه كانه يبعد الافكار و راح لغرفته اخذ شاور و لبس ثوب و شماغ وراح للشركه

@@@@@@@@@@@@@@@@@@@@@@@@@@@@@@@@@@@@@

في بيت اول مرة نزوره

في احد الاحياء الراقية كان في بيت كبير باين عليه انه لعايلة غنية

كانت جالسة في غرفتها و هي تبكي على المصيبة اللي طاحت عليها .....شنو اسوي اللحين ياربي..... مسحت

دموعها

اللي نزلو على خدودها راحت للتريحة عدلت من شكلها و راحت تفتح الباب لاخوها اللي قطع لها افكارها

قالت بابتسامه تخفي المها : هلا حمد تبي شي

رد حمد وهو يقول بابتسامه : ابيك بموضوع اذا فاضية

ردت وهي تدخل غرفتها اللي كانت كبيرة و باللون الوردي و اللون الرمادي جلست على سريرها وهي تقول :

امر اخوي

رد بشوية ارتباك : يعني انا قررت اتزوج

ردت بفرح : مبروك واخيرا و منو سعيدة الحظ والا تبيني اشوفلك وحدة من صديقاتي

حمد : لا انا ابيك تشوفي لي ملاك بنت خالتي اذا هي تفكر فيني او يعني ممكن تتقبلني كزوج عشان اتقدم لها

رسمي

ردت : بس ابيك اليوم توديني لبيت خالتي لان ما ينفع اتكلم معاها بالتلفون في موضوع زي كذا

رد وهو مبتسم : حبيبتي انتي مشكورة يا احلى اخت بالدنيا

ردت وهي تضحك : ايه الحين صرت احسن اخت بالدنيا

قال لها وهو خارج من الغرفة : تبني اوصل سلامك للحبيب لاني انا وتركي متواعدين معاه

نزلت راسها وابتسمت بالم وهي تخفي دموعها عن اخوها : .....................

حمد وهو متوقع انها خجلانه منه انسحب من الغرفة وهو يضحك على احراجها

اما عندها نزلت دمعة يتيمه على خدها تلتها شهقات بصوت عالي و هي تقول يارب ارحمني و الله ما عدت قادرة

و انسدحت على السرير على بطنها وهي دافنه راسها بالوسادة خايفة انه احد يسمع بكائها

@@@@@@@@@@@@@@@@@@@@@@@@@@@@@@@@@@@@@

التعريف بعائلة ابو حمد

ابو حمد 64 سنه عصبي كثير و ما يحب يبين حنيته ومتمسك بالعادات والتقاليد غني

ام حمد 59 طيبة وحنونه بس تهتم بالمظاهر والعزايم كثير

حمد 31 سنه شاب مملوح ومعضل و يحب يمزح كثير و حنون ويحب ملاك بنت خالته من كان صغير و يشتغل

مع ابوه بالشركات اللي عندهم

تركي 28 سنة يشبه اخوه كثير بالصفات بس ب الشكل هو اسمر و احلى من حمد و هو دكتور نفسي و صديق فيصل تعرف عليه في لندن ايام الدراسة

ورغم ان كل واحد له اختصلص

فرح 21 سنة سمرا بسمار يجذب و عيونها خضراء و شعرها بني يوصل لنصف ظهرها و جسمها جميل بس

تميل

للنحافة اكثر مملكه على ولد عمها جواد اما صفاتها فاسم على مسمى دايما تضحك و البسمه ما تفرق شفايفها

@@@@@@@@@@@@@@@@@@@@@@@@@@@@@@@@@@@@@

في الشركه عند رعد وسامي

جالسين مع بعض و رعد يسولف و سامي من الصبح سرحان و مو معاه

رعد : هيييه انت شنو فيك من الصبح سرحان و تبتسم

سامي : ها ... لا ولا شي

و في نفسه اه ما ادري ليش افكر فيها من يوم شفتها مو قادر انساها .....

رعد : و الله ماادري شنو فيك انت هاليومين مو على بعضك

سامي و هو يحاول ينسيه الموضوع : شنو رايك نتغذا بمطعم اليوم

رعد : لا اسف ما اقدر عندي شغل كثير

سامي و هو يمزح : اصلا انت وجهك مو وجه واحد ينعزم هههههه

رعد : هههههه لا انا اتاكدت انك الحين بجد استخفيت

@@@@@@@@@@@@@@@@@@@@@@@@@@@@@@@@@@@@@

بيت ناصر ال.......

كانت جالسة في غرفتها و دموعها تسيل على خدها و كل مرة تفلت منها شهقة ... ما كانت ابد متوقعة ان العرس

بيكون قريب كذا كان عندها امل ان الملكه تكون بعد شهر او شهرين و العرس بعد عام على الاقل و خابت ظنونها

وهي تتذكر الصدمة اللي تلقتها من ابوها من شوي حاولت تثني رايه بس رفض و اقنعها ان كذا افضل

هي اصلا عارفة انه راح يرفض انها تاجل الملكه والعرس لانه خايف ترفض الزواج من جديد فضغط عليها

..... اه يا ربي ارحمني برحمتك الواسعة .... و الله العظيم مو قادرة اتحمل الصدمات اللي تجيني ... انا ابي على

الاقل وقت اهيا نفسي و اصلا الحين راحت علي كيف بساوي يوم اكون معاه انا وياه ووحدنا اكيد راح اخاف منه و

و يصيرلي مثل ما دوم يصير و ممكن اكثر ..... يا ربي ما ابي يقولون عني مجنونه و اكيد راح يخبر امه واخواته و

انفضح بين الناس ........تعالت شهقاتها وهي تقول بالم السنين اللي تسبب لها في مشاكل بتتبعها طول الحياة

ترك لها ذكريات سودا عاشتها بعد ما تعرضت لتحرش دمر حياتها و احلامها اللي كانت ممكن في يوم من الايام

تحلم فيها مثل اي بنت ... تتمنى تتزوج وتجيب عيال كاي بنت تتمنى تكون ام في يوم من الايام : حسبي الله و نعم

الوكيل ..........حسبي الله ونعم الوكيل فيك يا ....... و ماقدرت كمل كلامها لان اسمه بس تنطقه يدخل لقلبها الالم

و ضيقة فنفسها

قامت وراحت للحمام توضت وخرجت وفرشت سجادتها و صلت ركعتين تبي تلجا لرب العباد وهي متيقنه ان الله هو

الذي يفزع المكروب ويغيث المنكوب وان يدعو الله موقنا بالاجابه وان يحسن الظن ويلح بالدعاء الى ان يزيل الله

الهم ويكشف الغم

" اللهم بحق قولك تعالى (( ليس لها من دون الله كاشفة )) اكشف عني كل بلوى يا عالم كل خفية ويا صارف كل

بلية أغثني أدعوك دعاء من اشتدت به فاقته وضعفت قوته وقلت حيلته دعاء الغريق المضطر ارحمني و أغثني

والطف بي وتداركني بإغاثتك .. اللهم بك ملاذي وعياذي .. اللهم أتوسل إليك باسمك الواحد والفرد الصمد و باسمك

العظيم فرج عني ما أمسيت فيه وأصبحت فيه حتى لا يخامر خاطرات أوهامي غبار الخوف من غيرك ولا يشغلني أثر

الرجاء من سواك أجرني ,أجرني ,أجرني يا الله .. اللهم يا كاشف الغم والهموم ومفرج الكرب العظيم و يا من إذا أراد

شيئاً فحسبه أن يقول كن فيكون .. رباه, رباه أحاطت بأمتك الضعيفة الذنوب والمعاصي ــ الرحمة والعناية لن أجدها

من غيرك فأمدني بها.

يا لطيف.. يا لطيف.. يا لطيف الطف بي بلطفك الخفي و أعني بقدرتك , اللهم أني أنتظر فرجك وأرقب لطفك فالطف

بي ولا تكلني إلى نفسي ولا إلى غيرك لا إله إلا الله الرحمن الرحيم , اللهم إني أنزلت بك حاجتي كلها الظاهرة

والباطنة والدنيوية والأخروية "

مسحت دموعها اللي نزلو اثناء دعائها و مناجاتها لله رب العالمين

حست براحة نفسية مو كانها اللي كانت قبل موقادرة تسكت من البكا والضيقة اللي كانت في صدرها

تمددت على السرير و هي تستسلم لنوم عميق ينسيها الم الواقع

@@@@@@@@@@@@@@@@@@@@@@@@@@@@@@@@@@@@@

في بيت ابو فهد

و في المجلس

كان جالس مع تركي في المجلس و يسولفون و انصدم وهو يشوف وعد داخلة تجري وتصرخ و فارس وراها

............................

عند وعد كانت راجعة من السوق بعد ما راحت مع فارس ولما وصلو للبيت و ركن السيارة

ضربته بقوة على رقبته بعد قالت بصوت تحاول تخشن صوتها على قد ماتقدر عشان يصير مثل صوت الشباب :

مشكور اخ فرووووووس

وخرجت طيران من السيارة سبقها وهو يشوفها متوجهة لباب البيت و الحجاب صار على كتفها و العباية صارت

مفتوحة من الجري و وقف في طريقها لفت وهي تشوف

باب المجلس امامها دخلت وهي تصارخ ووراها فارس ما كانت تدري ان فيصل و صديقه جالسين هناك

لان لما خرجو من البيت خرج فيصل معاهم

تجمدت مكانها و هي تشوف فيصل وصديقه اللي كان هو الثاني منصدم وبعدين نزل راسه بسرعة

قال فيصل بعصبية : وعد طلعي من هني

طلعت بعد ما سحبها فارس و هو يقول بمزح : يا ويلي فيصل معصب بيذبحك تدرين اليوم موتك

دمعت عيونها وهي تسمع فارس يقول ان فيصل بيذبحها وصدقت . راحت تجري لغرفتها و قفلت الباب بالمفتاح و ترمي نفسها

على السرير بقوة و تدفن راسها فيه وتنخرط في بكاء و صوت شهقاتها هي مو بس تبكي على انها دخلت

على الرجال وهي كاشفة بس لها اسبوع وهي مضغوطه في عمرها هذا تحتاج ام تحكي لها و تفضفض لها بس

امها راحت وخلتها في سن كانت في اشد الحاجة لها

و ما عندها اخت تعوضها عن حنان امها

صحيح ابوها واخوانها مو مقصرين بس في اشياء ما تقدر تقولها لهم

حست بنفسها مو قادرة تتنفس و بدت تحس الدنيا تسود قدامها و تسمع صوت فيصل عند الباب و هي مو قادرة

ترد عليه ...... لا مابي اموت الحين ابي استسمح منه اني فشلته مع الرجال......... وابي اسال ابوي اذا راضي علي

ابي ابرك لفهد و ابي اتاسف من فارس اني ضربته اليوم

و حست بنفسها كانها بتروح لعالم ثاني

@@@@@@@@@@@@@@@@@@@@@@@@@@@@@@@@@@@@@

في المجلس لف على تركي بعد ما خرجت وعد و شاف تركي ما زال منزل راسه

فيصل باحراج : اسف بس ما كانت تدري اننا هنا

تركي : لا مومشكلة ...... و قام ...... انا استاذن

قام معاه و وصله للباب و لما طلع تركي راح للبيت و هو متوعد في وعد اللي احرجته قدام صديقه

طلع الدرج بسرعه و هو يشوف باب غرفتها مقفل حاول يفتح الباب و الباب مو راضي ينفتح زادت عصبيته اكثر

و صار يخبط على الباب بعصبيه كان بيسامحها لو واجهته واعتذرت بس تتهرب منه وفوق هاذا قافلة الغرفة

موراضية تفتح له

بس بعدين خاف يكون سوت شي في نفسها اصلا هي من اسبوع متغيرة وصايرة هادية...... بزيادة نزل تحت وجاب

المفتاح الاحتياطي لغرفتها و صعد للغرفة وفتحها و هو يدعي ربي ان موصاير لها شي بس انفجع وهو يشوفها

متمددة فوق السرير و ودموعها على خدها وعيونها مغمضه حزن عليها وزعل على نفسه انه كان بيعصب عليها

مهما كان هي

بعدها صغيرة و فاقدة حنان الام من كانت صغيرة ف مو لازم لهل العصبية كلها باين انها موعارفه ان تركي معاه

جلس على السريرو حضنها وهو اللي عمره ما سواها بس ما هانت عليه اخته بس كانت ثقيلة كثير بعدها وهو

مستغرب شاف وجهها ازرق و بدا يضرب وجهها وهو يشوفها مو قادرة تتنفس حملها بسرعة وطلع وضعها في

المرتبة الخلفية للسيارة و راح بسرعة للمستشفى

بيت ابو بدر

كانت في غرفتها بعد مارجعت من المشغل و لبست فستانها الابيض اللي كان طويل و من غير اكمام و ماسك عند الصدر و يبدا يوسع من تحت و طويل و فيه زخرفة

من عند الصدر

بعد ماكملت الملكة و ما كان في ناس كثير بس جاراتهم و بعض من اهل ابوها

خرجت للسيارة وهي مستغربة انه ما جاب اهله معه وماشافت احد من اهله داخل

دخلت للسيارة و كان هو اللي يسوق و هي تشوفها كيف باين عليه انه ولد اكابر و اغنياء و ما قدرت ترفع راسها

من الحياء مو خوف لا

لان روابي ما تعرف تحب تبين خوفها

انصدمت وهي تسمع صوته : اهلين ياعروس ..... مبروك عليك انا

قالت ببرود عكس البركان اللي ثاير فيها من داخل و الخوف : لا يا ولد الناس مبروك عليك انا لانك ما تستاهل

ظفري

عصب لانه كان متوقع انها لما تعرف انه هو اللي بتتزوجه تصارخ و تبكي : اسكتي احسن لك

روابي بسخرية : و الله حالة ما عرفت لك قبل لا تسكتين ولا تطنشين واللحين اسكتي احسن لك

انصدمت وهي تشوفه وقف السيارة بقوة و نزل بعد ما صقع الباب ... فتح بابها و مسك ايدها بقوة و سحبها برا

السيارة ....... حست بحرارة على خدها وهي تشوفه يضربها كف منه لف وجهها

لكن قالت في نفسها و الله ما ابكي انا اصلا متعودة على الكفوف من عجوز النار حصووووو

رفعت راسها بشموخ ولا كانه ضربها و قالت بصوت ثابت : خلصت يا استاذ

........................................

اما عنده ما تحمل وهو يسمعها تسخر منه ولا عمره احد سخر الكل يهابه فكيف بنت تسخر منه من العصبية وقف

السيارةو نزل سحبها بقوة من السيارة وضربها كف على خدها حس ان ايده انشلت من الكف فكيف بوجهها

بس انصدم وهو يشوفها رافعة راسها بشوخ ولا دمعة نازله من عيونها مارد عليه و راح ركب سيارته و ما ان

ركبت السيارة صار ماشي بسرعه كبيرة

وصلوا قدام عمارة و دخلوا لاحدى الشقق كانت الشقة متوسطه بس الاثاث مبين عليه غالي و كان منسق

كان في غرفتين و صالة و حمام لكل غرفة وحمام خارجي ( يعني مو في الغرف ) ومطبخ

قالت بغرور : ويني غرفتي

طنشها و راح للغرفة الاولى و قفل الباب بقوة في وجهها

قالت بغضب و اللي ما يظهر الا قليل لانها من كانت صغيرة تتحكم في غضبها : وجع

ودخلت للغرفة الثانية و هي تقول في نفسها

ايه ما تزوجت الا ذا المقرود ياربي ... و انا مصدقة عمري اني باتزوج و لابسة وكاشخة و الله لو دريت انه هو

و الله اني البس له لبس ميري و كثير عليه مالت عليه ان شاء الله

و الله لارد له الكف مايعرفني منوانا و نامت بعد ما لبست بيجامه باللون الوردي والرمادي

في الكوفي

رعد و سامي جالسين مع بعض

رعد : اخ يالقهر يمه تبيها هي ما تبي وحدة ثانية حاولت اقولها مابيها بس ما فهمت علي

سامي : ههههههههه و شفت فيك يوم يا رعد

رعد بعصبية : انا طايح في مصيبة و انت تضحك

سامي : شنو اقولك ......قلتلك ارفضها و قول انك تبي وحدة ثانية

رعد بسخرية : لا و الله و شنو تبيني اقول لهم سبب الرفض..... اقولهم بنتكم تحب واحد ثاني و تتكلم معاه و

رافضة الكل عشانه

سامي : لا بس ....... قاطعه تليفونه اللي يرن ..... رد و هو يقول : و عليكم السلام ..... لا .... الحين .....

اكيد بس ساعة على الاقل و اكون هناك ..... في امان الله

رعد : بتروح

سامي : ايه محتاجين اوراق للشركه و لازم اوديها لهم

رعد : روح انت مووجه واحد يحكيلك مشاكله

سامي : ههههههه تعرف انك صرت نكته

رعد بعصبية : سامي

سامي بجدية : رعد انت من جدك تشك في البنت اللي رباها عمي ناصر ممكن يكون واحد من اخوانها بالرضاعة او

عمها او اي واحد من محارمها .... حتى لو كانت تكلم شاب انت ممكن تربيها بالهداوه و تحببها فيك لان ما في

انسان ما يغلط و اذا على انها تحبه بتنساه مع الزواج

رعد و هو يفكر في كلام سامي صح ممكن انا ظلمت البنت

سامي : انا رايح و انت فكر في كلامي

@@@@@@@@@@@@@@@@@@@@@@@@@@@@@@@@@@@@@

بيت ابو سامي

راح للبيت يبي يجيب الاوراق و يوديها للشركة

ركن سيارت و كان مسرع و ما عنده وقت فقرر يدخل من الباب الخلفي ( الباب الخلفي بجنبه المطبخ و في درج

ثاني يودي للطابق الثاني اللي فيه جناح ومكتب سامي و ملاحظه غرفة لين الجديدة بعيدة عن المطبخ و الباب

الخلفي و قريبة من الباب الامامي )

كان نازل من الدرج بعد ما جاب الاوراق و هو ضامن ان بنته و رازان في الغرفة بس سمع ضحك بنته في المطبخ

خاف انها تجرح نفسها بسكين

او اي شي يضرها راح و هو ناوي انه يوبخ رازان و يطردها لتهاونها

راح للمطبخ و توقف عن المشي و هو يشوف بنت جميلة و جمالها اجنبي ابدا ما توقع رازان تكون بهالجمال كانت

لابسة جينز سكيني اسود و بلوززة سودة مبينه بياضها و رافعة شعرها فوق باهمال و نازلة بعض الخصلات على

وجهها و رغم انها مافي و لا نقطة مكياج في وجهها الا انها جميلة

ابتسم و هو يشوفها تضحك و مجلسة لين فوق الطاولة و حاطة اناء قدامها و تقول للين و هي تضحك : ي الله

ليونه شنو قلنا نحط اول

ضحكت لين بطفولية : هههه ما ادلي نسيت ( ما ادري نسيت )

رازان و هي تقرص خدها بمزح و تقول بشقاوة : لا و الله وانا من الصبح و انا اقولك المقادير

لين و هي تفكر : لا بس نسيت اسمه انت قلت يجي من الدجاجه بس ما ادلي (ادري ) شنو اسمه

رازان و هي تضحك على براءتها : ههههههه اسمه بيض

لين و هي تعيد وراها : اسمه بيد

رازان و هي تضحك : بيض مو بيد

لين بدلع : لا انا اقول بيد

رازان : ههههههه خلاص ليونه تقول بيد نقول بيد

لين : ههههه

رازان تحط البيض و تمد ل لين تخلطه و هم مو دارين بسامي اللي واقف قدام المطبخ و كانت لين راح تفضحه

لما شافته : با ..

فطلع بسرعة من البيت

لفت على باب المطبخ اللي كان بعيد عنهم بحكم ان المطبخ كبير حيل و ما لقت شي رجعت لفت على لين وقالت :

لين شنو قلتي

لين تقول : سنو (شنو) بنحت (بنحط) بعد

رازان في نفسها لا بس يمكن اني اتخيل اصلا هو يرن على الجرس اول بعدين يدخل و اكيد انه ما يجي لانه يجي

على الساعة ست المساء

و كملت طبخ مع لين و هم يضحكوا

بيت ابو رعد

في مكتب ابو رعد

راح لمكتب ابوه بعد ما خبرته امه ان ابوه محتاجه كان رايح له و هو حاط في باله ان ابوه يحتاجه في موضوع عن

الشغل او الشركة

جلس قدام مكتب ابوه وهو يسمعه يقول : يا ولدي انت كبرت و انا اللي راح من عمري اكثر من اللي بقى اذا

تبي اني ارضى عليك ابيك تخلي امك تخطب لك

رعد و هو يقاطع ابوه : بس يبه انت عارف اني شايل الزواج من بالي

ابورعد : يا رعد انا ابي اشوف احفادي قبل ما ياخذ الله امانته

رعد : بعد عمر طويل يبه جعل يومي قبل يومك

ابو رعد : اجل نقول مبروك و اخلي امك تخطبلك

رعد بابتسامه مصطنعة : ايه بس انا عندي شرط

ابو رعد : و شنو شرطك

رعد : ابي العرس و الملكه يوم واحد

ابو رعد : ابشر باللي تبي

@@@@@@@@@@@@@@@@@@@@@@@@@@@@@@@@@@@@@

بعد مرووور اسبوع

اهم الاحداث في الاسبوع هذا

روابي اسبوع كامل تجهز نفسها علشان الملكه وام بدر تساعدها لانها فرحانه انها بتتخلص منها

.................................................. .................................................. ..................................

رازان تعلقت كثير بلين و لين ما تقدر تتخلى عنها في الصباح تجي لبيت ابو سامي بتاكسي و في المساء ترجع مع

سامي و لين للبيت

.................................................. .................................................. ..................................

سامي ما صار يدخل للبيت الا لما يرن الجرس لان رازان ما تلبس العباية في البيت

.................................................. .................................................. ..................................

ابو رعد خطب اميرة من ابوها لرعد

.................................................. .................................................. ..................................

اميرة ما وصلها خبر ان رعد خطبها لان ابوها يبي يمهد لها الخبر و ما ترفض لان رعد رجال زين

.................................................. .................................................. ..................................

فهد و ريما ما شاء الله ما في احسن منهم

.................................................. .................................................. ..................................

خالد و نور عايشين حياتهم و نور كل مرة تشتهي شي و تطلب اللي تشتهيه في اي و قت و خالد ما يرفض لها طلب

@@@@@@@@@@@@@@@@@@@@@@@@@@@@@@@@@@@@@

بيت ابو سامي

00 : 3 مساء

قعدت معاها و هم يلعبو لين ملت و قالت بطفش : ماما لازان تفست (طفشت ) و اصلا انا جوعانه

رازان و هي تفكر : ليونه تعاي معاي

مسكت ايدها و راحت لصالة اللي جالسة فيها ام سامي

ام سامي و هي تشوف رازان جاية : رازان حبيبتي تبين شي

رازان و هي مستحية : خالتي يعني اذا ممكن اننا انا و لين نسوي كيك

ام سامي و هي تبتسم على حياء رازان : اكيد يا بنتي و اذا تبين تسوي اي شي فالمطبخ سويه بدون لا تقولين لي

البيت بيتك حبيبتي

رازان وهي فرحانه : مشكورة خالتي

و راحت هي و لين للمطبخ و ام سامي تدعي لها ان الله يوفقها و يسعدها في حياتها مثل ما رجعت للين ضحكتها

@@@@@@@@@@@@@@@@@@@@@@@@@@@@@@@@@@@@@

بيت ناصر ال.........

ناصر(ابو اميرة ) : انا بتكلم اليوم مع اميرة عن الموضوع و اذا ما قبلت انا راح اغصبها لان موممكن ترفض رعد

الولد زين و ممكن ماتجيها فرصة مثل هذي و الناس صارت تتكلم عليها

العنود (ام اميرة ) : بس يا ناصر انت تدري ان البنت ما تبي تتزوج و تبي تكمل دراستها

ناصر : لا انا هذي مفكر فيها لان الولد قابل تكمل دراسة بعد الزواج

العنود : يا ناصر تكلم معها بالهداوة ممكن تقبل

ناصر : باروح اتكلم معاها

@@@@@@@@@@@@@@@@@@@@@@@@@@@@@@@@@@@@@

كانت جالسة بغرفتها قفلت من نور بعد ما كانت تتكلم معاها .... سمعت طرق على الباب قالت : ادخل

دخل ابوها و جلس قدامها و هي خايفة ان اللي يكون في بالها صحيح لان ابوها ما يجي غرفتها الا اذا فيه احد

خاطبها : يا بنتي انتي كبرتي و صرتي في عمر

الزواج و عمك ابو رعد خطبك لولده و انا وافقت عليه ابيك ما تحرجيني قدامهم و ترفضي لان عطيته كلمه....

كان بيكمل كلامه بس شاف دموع بنته تسيل على خدودها و تبعتها شهقه

ما حتمل و احتضنها و هو يقول بحنية : و الله العظيم يا بنتي لو انه مو رجال زين كان ما وافقت و اذا تبين

رضاي عليك لا تبككي و تتعسي حالك و ......

قاطته و هي تبعد عن حضنه و تقول : موافقة يبه

ما تدري ليه قالت موافقة استغربت من نفسها كثير رغم انها كانت دايما ترفض و اذا اصرو عليها تغضب و تصرخ

بس حست ان ابوها تعب منها كل مرة و هو يرفض الخطاب و يقول مازالت صغيرة او يقول تبي تكمل دراستها

و كلام الناس عنها زاد و هي مودارية و بما ان ابوها هالمرة راضي و باين انه ولد زين

دخلت امها و حضنتها و هي تبكي فرحانه لبنتها : مبروك يا بنتي الله يوفقك

اميرة : الله يبارك فيك

جات فاتن اختها و هي تبارك لها و فرحانه

كانت تشوف الفرحة في عيونهم ما كانت تدري انها حارمتهم من هالفرحة

ابتسمت و هي تخفي الم كان في طفولتها بس هو يلاحقها للحين ومسبب لها رعب

صباح جديد

في بيت ابو رعد

كانو جالسين في الصالة ريما رن تليفونها انحرجت وصارت خدودها وردي قالت ديما بعربيجية : ياقلبي عليك

ردي على الحبيب لا تخجلي

رعد ضحك : خلي البنت في حالها ....... وقال بحنية : ريما ردي على فهد و اذا تبين تاخذي راحتك روحي فوق

لان ادري هالملقوفة ما تخليك فحالك

قامت ريما بخجل و التلفون يرن في ايدها وقالت : عن اذنكم

رعد : اذنك معك

.................................................. ............

في جناح ابو رعد و ام رعد

ام رعد : يا ابو رعد ابي رايك في شغلة

ابو رعد : شنو يا ام رعد

ام رعد : يا ابو رعد تعرف اني من زمان و انا ابي اميرة لرعد و ابنك مو راضي يقبل نخطب له و البنت كبرت و

صاروا الحريم يخطبونها و خايفة تروح من بين ايدينا و انت تعرف تربيتها و تعرف ابوها و انا اعرف امها فابيك

اذا انت موافق تضغط على رعد لانه ما يرد لك كلمه

ابو رعد : ابشري يا ام رعد

@@@@@@@@@@@@@@@@@@@@@@@@@@@@@@@@@@@@@

في بيت ابو بدر

قامت الصبح وهي ناويه تبلغ عمها برايها نزلت تحت لقته جالس وحده جلست قدامه وهي منزلة راسها و تقول :

عمي ابي اقولك اني موافقة

عمها : مبروك عليك

و مسك تلفونه يبي يتصل على العريس يخبره : باعطيه الموافقة

قامت وهي رايحة منحرجة من عمها

و قبل مايتصل و هي تروح قال : بس يجيب المهر ابيك تجهزين نفسك لان الملكه الاسبوع الجاي

روابي : حاضر عمي ...... وقامت بسرعه لغرفتها

@@@@@@@@@@@@@@@@@@@@@@@@@@@@@@@@@@@@@

عند فيصل في الشركه

وصله خبر انها موافقة عليه استغرب في الاول انها توافق عليه رغم انه مهددها ....... في الاول كان ناوي انه لو

عرفت انه هو اللي بيتزوجها وترفض يغري عمها بالفلوس بس لما وافقت درى انها عمها نسى يخبرها منو

العريس كان يبتسم بغموض

وهو يتوعد فيها : كذا بتصير مفاجاة وتكون احسن مفاجاة بعد ههههههههه

@@@@@@@@@@@@@@@@@@@@@@@@@@@@@@@@@@@@@

بيت ابو سامي

جات الصبح بتاكسي لقت لين تستناها عند الباب مع جدتها قالت برسمية و هي تحضن لين : السلام عليكم كيفك

استاذة ام سامي

ام سامي بحنية : و عليكم السلام بخير وياليت تقولين لي خالتي ... و انت كيفك

رازان بابتسامه خجل : الحمد لله خالتي

ام سامي و هي تحس نفسها ارتاحت لرازان و بدت تحبها : رازان يا بنتي سامي يقولك اخذي راحتك اليوم مو

جاي لين العصر

رازان : مشكورة خالتي ....... عن اذنك

و راحت مع لين لغرفتها الجديدة : ي الله ليونه شنو تبين نلعب

لين بدلع : ابي العب ب البالبي (باربي)

عدى اليوم عليهم و لا احلى بين اللعب و الاكل و بية دلع لين و براءتها و حنان رازان وطيبتها

@@@@@@@@@@@@@@@@@@@@@@@@@@@@@@@@@@@@@

في المساء في جناح سامي

سامي منسدح على السرير اللي في غرفته و لين تلعب فوق السرير

لين : بابا

سامي : نعم حبيبتي

لين : ليس ماما رازان ما تنام معانا

سامي في نفسه شنو اقولها الحين : لا حبيبتي بس اهي تبي تنام عند بابا و ماما في بيتها

لين ببكا : و ليس(ليش) هي تنام عند بابا و ماما و انا انام بس عند بابا

سامي ياربي شنو قلت انا و قال بحنية وهو يبي ينسيها : افا حبيبتي و بنوتي الحلوة ما تبي تنام عند بابا انا

زعلان منك

لين قالت و هي تبوس خد ابوها : لا بابا انا ما ابيك تزعل

سامي : يلا حبيبتي نامي الحين عشان يجي الصباح بسرعة

في المساء 00 : 6 مساءا

دخل عليها عمها بعد ما استاذن وجلس و هو يبتسم : روابي انتي تدرين انك مثل بنتي و و انتي كبرتي ماشاء الله

و صرتي مرة و اليوم جايك خطيب شوفي انتي فكري زين و الرجال ما يعيبه شي و انا وافقت عليه مبدئيا و

بخليك لبكرا تفكرين لان الرجال مستعجل يبي يملك عليك وتسافرون و بعد ما ترجعون من السفرة بيسوي لك عرس

ما ابي رايك الحين ابيك تفكرين و الرجال ما يبي يحرجك قال مايبي شوفة و اذا وافقتي بتكون الملكة الاسبوع الجاي

روابي مصدومه من اللي قاله عمها : ..............

عمها وهو خارج من الغرفة : فكري زين و صلي صلاة الاستخارة و اللي فيه الخير بيصير

دمعت عيونها وهي تشوف نفسها انخطبت و امها وابوها مو معاها صحيح ما قصر معاها عمها و حست بحنانه في

هذي اللحظه بس بس هي تبي اهلها معاها قامت وهي ماسكة نفسها لا تنزل دموعها دخلت الحمام اللي في غرفتها

توضت وخرجت فرشت سجادتها و صلت صلاة لاستخارة

انسدحت على سريرها وهي تفكر انا كبرت وممكن ما القى رجال زين مثله هي فرصة وممكن ما تتكرر ....ياربي

اوافق و لا ارفض ... لا شنو ارفض الرجال زين وما يعيبه شي مثل ما قال عمي و باين انه متفهم ما يبي يحرجني

بالشوفة الشرعية و اصلا انا من زمان ابي افتك من حصوه على الاقل اخدم زوجي مو اخدمها هي ......

خلاص انا باوافق و اللي فيه فيه انا حاسة حالي مرتاحة

تقلبت على سريرها و هي تستسلم لنوم عميق بعد ما ارهقت نفسها في التفكير

@@@@@@@@@@@@@@@@@@@@@@@@@@@@@@@@@@@@@

في بيت ابو رعد

جالس بجناحه و يفكر في كلام امه في الصباح اللي بعد ملكه ريما

" رعد بعد ما باس راس امه : صاح الخير يالغالية كيفك

ام رعد : صباح الخير يمه بخير و الحمد لله و انت

رعد : بخير

جات ديما وهي تجري وماسكة التليفون في يدها تقول : يمه هذي اميرة معك عشان تسالي عنها

مسكت ام رعد التليفون و حطته عند اذنها و هي تقول بابتسامه : السلام عليكم .......هلا والله ياميرة البنات ......

كيفك ان شاء الله بخير ...... سلامتك حبيبتي......... لا وش دعوة انا مثل امك و لا ما تبين تكونين بنتي ......

هههههه حبيبتي انتي ........ مع السلامة سلمي لي على امك ........ الله يسلمك ....... في امان الله

قفلت منها و هي تشوف مع رعد و تقول : امس الحريم كلهم يسالون من بنته و كم عمرها يبون يخطبوها

لعيالهم كاملة و الكامل الله بس مسكينة تعبت اكيد صابوها بعين ما اقول الا الله يحفظها و يرزقها بولد الحلال

ديما و هي تقول : بس مسكينة ابوها رافض انها تدرس بلندن و هي الا و تسوي براسها من شهر و هي تحاول

تقنعه بس رافض انها تكون بنت لحالها و ما معها محرم و هي الا تقوله ان معها صديقتها بس هو رافض رفض

قاطع

ام رعد : اكيد يخاف عليها بنت لحالها بالغربة و هي بنت حلوة كل شي فيها زين و عيال الحرام كثار فما يامن

عليها و هي هناك

ديما : بس تعرفينها عنيدة البنت و ما ترضى الا لسوت الشي اللي في راسها

و كملو كلامهم بعد ما جات ريما وهم يتكلمون عن العرس و خرابيطه

طول الحديث و رعد ماسك تليفونه و عيونه على شاشة التليفون ومسوي نفسه مو سامع شي "

رجع لافكاره و هو يقول ...هي اول بنت تجذبني لها من اول مرة شفتها و انا افكر اني اخطبها خاصة و انها بنت

عمي ناصر بس الحين متردد اني اخطبها وهي تحب واحد و رافضة الكل عشانه وانا ما ابي اعيش حياتي مع بنت

وهي تحب غيري لا انا لا يمكن تكون زوجتي حبت واحد قبلي و انا اصلا ليش افكر في الزواج انا عارف ان الزواج هم ومشاكل .

@@@@@@@@@@@@@@@@@@@@@@@@@@@@@@@@@@@@@

في بيت ابو سامي

دخل البيت بعد ما ركن سيارته

رن جرس البيت على شان رازان فتحت له الخدامه ودخل وهو يسمع صوت بكاء لين راح لمصدرالبكاء و اللي هو

في الصالة لقى رازان اللي مايدري للحين شنو اسمها وهي حاضنه بنته ولابسة عبايتها و لثمتها و مبين عليها انها

خارجة لان هذا موعد نهاية الدوام و تبي تهديها و هي مو دارية انه دخل عليهم الصالة

رازان و هي حاضنة لين : بس حبيبتي بس خلاص ما تبكي .......و قالت بحنية وهي تبعد وجه لين عن صدرها و

تمسح دموعها ............ ليش تبكي حبيبتي ليونه

لين وههي تشهق من البكا : ما ما لا لازان ما تلوحي وت تخليني ابيك تبقي تبقين معايا على طول انا احبك كثيل

ما ما ابي اقعد وانا ما عندي ماما

رازان وهي تحضنها بقوة لصدرها وعيونها تلمع كانت جالسة على ركبها : حبيبتي انتي ما بخليك بس انا باروح

الحين انام و

بكرة الصبح ارجع لك اوك

لين وهي تزيد بالبكا : لا لا مابيك تلوحين ابيك تنامي معايا ما ابي اقعد وحدي

كانت رازان بتتكلم بس انصدمت وهي تشوف حذاء رجالي قدامها رفعت راسها و هي فاتحة عيونها على الاخر : .....

بعدت وهي تشوف سامي اللي ما تحمل يشوف بنته كذا و حزن عليها كثير وعرف قد ايش هي محتاجة لام ...

شافته و هو يمد يدينه على لين وحملها وحط راسها على صدره و حضنها بقوة و هي مازالت تبكي

حس بها و هي تحاول تبعد راسها و هي تقول ببكا : بابا شوف ماما لازان تبي تلوح وتخليني قولها تبقى انا احبها

رد وهو يتكلم بحنان ويحاول ينسى وجود رازان : حبيبتي لازم تروح لبيتها تنام وبكرا ترجع و تلعب معاك زي اليوم

لين و هي تشهق و ووجها احمر من البكا : لا انا ابيها

ردو هو يحاول يلقى حل : لا حبيبتي لازم تروح و يلا نروح نوصلها و تنامي شوي و نرجع نجيبها اوك

لين بطفولية وهي تمسح دموعها : يلا ابي بابا ابي البس و بنروح نوصلها

التفت لها و هو يشوفها تتامل لين قال لها وهو يقطع سرحانها : انسة ......

ردت وهي تتجنب تشوف معاه : انسة رازان

قال بجدية : اذا ممكن انسة رازان انك تلبسينها وانا انتظركم برا في السيارة

و طلع بعد ما حط لين على الارض بهدوء

اما عندها فكانت مرتبكة لما كان معاهم و انصدمت وهي تسمعه يقول باوصلكم كانت تبي تعارض بس ما ترك لها

مجال

صحت من سرحانها وهي تشوف لين تضحك بشقاوة و تقول : ماما لا زان كم باقي و يجي الصبح

ردت وهي تبتسم على هذي الطفلة البريئة اللي انحرمت من امها وهي مازالت صغيرة : بس شوي مو كثير

و مسكت يدها بحنية : يلا حبيبتي نروح بابا من زمان ينتظرنا

..........................

كان جالس في سيارته bmw و هو حاير كيف بيسوي مع بنته اذا كانت كل يوم وهي مسوية مناحه على شان

المربية

شافهم وهم جايين و رازان ماسكة ايد لين ولين تضحك وتحكي مع رازان و هي فرحانه نزل من السيارة

فتح الباب الامامي و قال بامر : اركبي انسة رازان ....يدري انها مستحيل تركب قدامه عشان كذا سوى هذي

الحركة و فتح الباب اللي ورى و عدل الكرسي المخصص للين و قفل الباب و راح لمكان السائق

و طول الطريق و لين فرحانة و تحكي مع رازان و رازان تحكي معاها بصوت خافت لانها منحرجة من سامي

لين و صلو البيت

@@@@@@@@@@@@@@@@@@@@@@@@@@@@@@@@@@@@@

بيت ابو خالد

جناح خالد

دخل و استغرب من هدوء الجناح

راح لغرفة النوم لقى نور نايمة و مو دارية باحد اخذ له شاور و راح اسدح قدامها و هو يتامل وجهها و يدعي ربي

يحفظها له هي وولده او بنته اللي جاي في الطريق

================================================== ============

على الساعة 2 من الليل

================================================== =============

صحت نور بنشاط و لقت خالد نايم راحت المطبخ الصغير اللي ف الجناح

كانت مشتهية تاكل مشاوي راحت للفريزر و فتحتحه لقت قطعة لحم (ستيك )

حطت المقلاة على النار و حطت قطعة اللحم على المقلاة تتشوى و ملحتها و بدت تشوي

اما عنده الاخ كان نايم شوي الا يشم ريحة المشاوي كان يحسب انه من الجوع لانه نايم بدون عشا

بس لا الريحة كل مالها تزيد قام وهو يشوف مكان نور فاضي خرج من الغرفة و هو مستغرب و صل المطبخ و هو

يشوف النور مولع دخل و انصدم o_O

بعد ما كملت شوي اشتهت تاكله مع شويه سلطة ومايونيز زينت صحن سلطة و سوت عصير فواكه فرش و

و كملت تزيين الطاولة بعد ما زادت عليها الحلا

بدات تاكل بشهية و ما ان رفعت راسها حتى شافت خالد واقف عند باب المطبخ نست انه موجود اصلا ابتسمت

باحراج و هي تشوفه منصدم : اسفة اني صحيتك

قرب لها و هو يقول باستغراب و خوف : نور شنو اللي صار حبيبتي تعبانه تبين اوديك المستشفى

قالت و هي مولعة من الاحراج و في نفسها انا الغبية شنو اللي فيني في وحدة تقوم من النوم و على طول تاكل

وشنو ياريت شي خفيف المصيبة اني مسويه طاولة كان معي عشرين واحد بياكل معاي : لا بس اشتهيت اكل

ستيك و .........

ماكملت كلامها الا وهو يضحك بصوت عالي لان امه قالت له عن هالشي و قالت ان ممكن تتوحم عليه و تصير

منقرفة منه و ممكن تطرده من الغرفة وكان يتخيل اذا سوتها فيه : ههههههههههههههههههه بالعافية عليك حبيبتي

حست بيه كانه يتمصخر عليها و زعلت و بدت الدموع تتجمع في عيونها و هو مو منتبه لها

تركت الشوكه و قامت وهي منزلة راسها و قالت بصوت خافت : عن اذنك

وقف في الباب و هو يظن انها منحرجه منه : حبيبتي كملي اكل

ماقدرت ترد عليه لان العبرة خانقتها : ...............

رفع راسها مستغرب منها انها ما تكلمت : نور حبيبتي ........

توقف عن الكلام وهو يشوف دموعها بدت تنزل : حبيبتي شنو فيك تعبانة بطنك يالمك

ردت بعصبية و هي تبكي : لا تسوي نفسك مو داري

استغرب من عصبيتها و هو يقول بحنية : شنو سويت

ردت وهي تضربه على صدره و تبكي وتشهق : ليش تتمصخر علي و الله بس اش اشتهيت اكل ستيك و ما

كنت .........

قاطعهاو هو يقول بحنية : و الله العظيم ما كنت اتمصخر عليك بس يمه الله يهداها قالت لي ممكن بالحمل تصيري

تقرفي مني و ما تتحملي ريحتي و كل ما تشوفيني تستفرغي و تطرديني من الغرفة وانا لما شفتك حمدت ربي انها

جات على الشهية و لا جات على شي ثاني و ضحكت بس

قالت ببراءة مثل الاطفال : صدق .... و باحراج ..... اسفة

خالد و هو يبتسم : عادي حبيبتي انا مو زع........

و ما كمل كلامه الا و هي تمسكه من يده و تروح للطاولة و تجلسه و تجلس معاه على الكرس اللي بجنبه و تبتسم و

تقول : ابيك تاكل معاي ما ابي اكل وحدي

شنو توقعاتكم!! انا بنام حاليا ساعه١:٣ و انا للحين ما نايمه 😪😪 تصبحون على خير واحلام سعيده و غدا إن شاء الله بنزل ١٠ أجزاء ❤😘

صباح يوم جديد

في بيت ابو سامي

صحى على صوت بنته لين وهي تنقز فوق السرير: بابا قوم انا جوعانه

سامي : خلاص قمت حبيبتي الحين باخذ شور و ننزل نفطر مع تيته اوك

لين بشقاوة : اوك

اخذ شاور و لبس الثوب الابيض و الشماغ و كان خققه حمل لين في حضنه و نزلها تحت و صل للغرفة الطعام

لقى امه تستنى فيهم ابتسم لها بعد ما باس راسها و يدها : صباح الخير يالغالية كيفك

ردت و هي مبتسمه : صباح النور انا بخير كيفك انت

رد و هو يجلس لين علي الكرسي اللي جنبه : الحمد لله بخير

ابتسم وهو يشوف بنته تروح عند جدتها و رفعت نفسها على اصابع قدمها و باست خدها بعد ما انحنت الجدة لها

و اندهش سامي و هو يشوفا تبوس يد ام سامي و تقول و هي تضحك بطفولة : صباح الحيل تيته كيفك ( صباح

الخيرتيته كيفك )

ضحكت الجدة وهي تلمها بحضنها : يخيرو انتي ليونتي

لين بدلع : بحيل (بخير)

وبعد ماخلص من الفطور استاذن و طلع متوجه للحضانة

@@@@@@@@@@@@@@@@@@@@@@@@@@@@@@@@@@@@@

في الحضانه

دخل لمكتب المديرة شاف المديرة بعبايتها الكتف و نص الشعر طالع من الشيلة لف على الكرسسين اللي جنب

المكتب شاف جسم صغير عليه بنت ممكن كانت ما تتعدى 18 سنة حسب تقديره جلس على الكرسي الفاضي و هو

غاض البصر عنهم خبرته مواعيد الشغل و خبرها بالاشغال اللي تقوم بيها و كل واحد وافق على شروط الثاني

خرج وهي جنبه و انتبه و هي حاطه يديها في حضنها وتفرك فيهم بقوة من التوتر و الخوف ابتسم في قلبه وهو

يقول الظاهر جبت طفلة ثانية تحتاج مربية مع لين

ركب السيارة بعد ما فتح لها الباب الامامي شافها مترددة تركب جنبه قال بجدية و بلهجة امر : اركبي

ركبت وهي لاصقه في باب السيارة

@@@@@@@@@@@@@@@@@@@@@@@@@@@@@@@@@@@@@

في بيت ابو سامي

وصلوا البيت وهو يشوفها تتامل البيت باندهاش فتح باب البيت و هو يقول : تفضلي

دخلت ووقفت جنبه بس بعيد شوي عنه اخذها للصالة و قال : استني شوي و اجيك

صعد جناحه بعد ما سال امه عن لين و خبرها عن المربية انها في الصالة

دخل الجناح وهو يشوف بنته قالبة غرفتها بالالعاب و طارت لحضنه لما شافته ججاي و هو يقول : شنو سويت بابا

يلا رتبي الالعاب و عندي لك مفاجاة

ردت بفرح : ثح بابا (صح بابا)

كملت لمت الالعاب و حطتهم في السلة المخصصة لهم و راحت عند ابوها تخبره انها كملت

........................................

اما عندها كانت تتامل بانبهار الصاله كانت فاخرة لابعد حد

قطع عليها تاملها مرة كبير في السن عرفت انها امه للاستاذ المدعو بسامي و هي تقول بابتسامه : السلام عليكم انا

ام سامي

رازان بابتسامه من تحت اللثمه : وعليكم السلام وانا المربية رازان

حكت ام سامي معها شوي عن لين و شنو تحب وشنو ما اتحب الين قطع عليهم سامي وهو يقول : يا ولد

رفعت اللثمه على وجهها وقالت ام سامي : ادخل يا يمه

سامي و هو يتكلم مع لين بهمس : وهذي الماما جبناها لك شنوتبين بعد

و ما كمل كلامه وهي تترك يده وتجري لرازان وتحضنها : ماما اثتقت لك كثير

الكل انصدم من كلمتها وام سامي دمعت عيونها وهي تشوف حفيدتها فاقدة حنان امها استاذنت منهم خوف من ان

لين تشوف دموعها و تفسد فرحتها و راحت لجناحها ..

كان جاس معاهم وهومبتسم و يتاملهم كيف منسجمين مع بعض يمكن حتى انهم نسوه و هم يضحكون ويتكلمون

اما عند رازان انصدمت لما قالت لها ماما بس حزنت عليها كثير و قطعت عهدعلى نفسها انها تسعدها

رازان : شنو اسمك حبيبتي

لين بطفوله والابتسامه على وجهها : انا لين وانتي سنو اسمك

رازان : انا اسمي رازان

لين ببراءة : انتي ماما لازان (رازان)

رازان وهي تضحك على براءتها : هههه ايه انا ماما رازان

لين وهي تمسكها من يدها و تجرها : تعالي معاي باوريك غرفتي و نلعب مع بعض

وقفت رازان وهي تبتسم وتمسك يدها : اوك

و انصدمت وهي تشوف سامي جالس معهم اهي ما انتبهت عليه لانه كان جالس في مكان بعيد عنهم

نزلت راسها بخجل وهي تشوفه يشوف معاهم

خافت تروح لغرفتها اللي خبرتها ام سامي انها في جناحه و قالت بتوتر : ااا استاذ س سامي اذا ممكن يعني ان

تكون غرفة لين مو ف الجناح يعني ...........

فهم عليها انها ما تبي تدخل غرفته و تتدخل في حيته الشخصية و اصلا السبب الاول هو انها خايفة على نفسها لما

تكون في جناحه : اكيد بس يبيلها يوم على الاقل لاجهزها

رازان وهي طول الحديث متفادية تشوف معاه وعيونها على الارض : طيب عن اذنك استاذ سامي

سامي : اذنك معك

ارتاح لهل البنت مبدئيا بس هو مقرر يبقى يوم من الايام كله في البيت بدون ما يدرون ويشوفها شنو تسسوي

معاها بس بعد فترة لحتى ماتحس اكيد في البداية تكون طيبة بس بعدين ما يدري كيف

@@@@@@@@@@@@@@@@@@@@@@@@@@@@@@@@@@@@@

في شركه فيصل

كان جالس علي مكتبه الفخم و هو راجع بذاكرته لقبل شهر من الحين

''

تم توظيف ثلاث بنات في قسم من اقسام الشركه ... مرو ثلات ايام على شغلهم في الشركة

جاء الصباح وهو معصب من الصفقة اللي خسرها شاف بجنب المصعد بنت منهم لانها الوحيد اللي لابسة عباية

عادية في الشركة كل البنات لابسين العبايت مزركشة و فيها الوان كثيرة ليجذبو الانظار واقفة تستنى المصعد فتح المصعد و

شافها دخلت اسرع من خطواته و صل قبل ما يقفل شافها تبعد للزاوية المصعد رفع حاجبه ومو عاجبه الوضع من

حركتها قال يبي يقهرها : ليش متاخرة و"بسخرية " يا انسة

شافها رفعت عيونها العسلية الحادة و تشوف معاه برفعة حاجب و ما ردت عليه :..............

انقهر منها منو هي لتطنشه و قال : ما تسمعين اتكلم معاك انا

ردت بعصبية : استح على نفسك ومنو انت لتتكلم بعصبية الدنيا و تحطها فيني اذا كنت معصب روح روق بعيد عنا و انفتح المصعد

في هذي اللحظه و خرجت وتركت وراها بركان ثاير

راح بعصبية لمكتبه وهو معصب طلب من سكرتيره يشوف البنت اللي جات متاخرة من قسم ..........

و يجيب ملفها و يحاول يجمع معلومات عنها

عرف انها بنت يتتيمه من 6 اشهر عايشة مع عمها و اسمها روابي عمرها 24 سنه .................

و صرت اعرفك يا حقيرة انا فيصل عبد الله ال......... تطنشني بتشوفي شنو اسوي فيك

مسك سماعة الهاتف و طلب من سكرتيره ان روابي تجي لمكتبه

كان جالس قدام المكتب و يستنى فيها و ناوي انه يذلها

دخلت بعد ما فتح السكرتير الباب و السكرتير ذايب في عيونها العسلية و هي مطنشته و لا على بالها

كانت منزله راسها بادب لما دخلت و لما سمعته يقول : اهلين يا انسة روابي كيفك

رفعت راسها بصدمه و عيونها قدام و بعدين شافها تناظره بنظرة محتقرة

فيصل بسخرية و هو منقهر منها انها مطنشته هذا وهي عارفة انه المدير : شوي شوي على عيونك يا حلوة

روابي : ............ساكته و نظرة الاحتقار في عيونها و لا هامها

فيصل وبدا يعصب منها : ما تسمعين انتي

هنا هي بدات تلعب باظافرها و مميلة وقفتها و لا كانها تسمع

وقف و راح لها وهو ياشر عليها باصبعه و هو يقول بعصبية مكتومه : بتشوفين منو انا وهذا اخر يوم لك في

الشركه

ردت ببرود : يكون احسن بعد

رد بهدوء وهو راجع للمكتب : لا تبيني لي انك مو محتاجه هالشغل

روابي ببرود : لا يا و بسخرية استاذ

ردو هو بيموت من القهر : لا ياحلوة لا تلعبي معي انتي ما تعرفيني

ردت بشوية عصبية : احترم نفسك شنو هالالفاظ

رد وهو صار عارف نقطة ضعفها : لا ما قدر على المعصبين انا .. لا حبيبتي لا تعصبي

ضحك بصوت عالي و هو يشوفها خارجو من مكتبه معصبة وواصلة حدها منه : ههههههههههههههههههههه

ومن هذاك اليوم ما رجعت للشغل "

صحى من افكاره وهو يشوف السكرتير جايب له رقم عمها قال بمكر : و طحتي بين يديا يا ام عيون عسلية

@@@@@@@@@@@@@@@@@@@@@@@@@@@@@@@@@@@@@

في بيت اول مرة نزوره

بيت عادي موقصر ومو بيت قديم

كانت جاسة في غرفتها و هي منقهرة من مرة عمها : لا تبيني انظف واغسل و اكوي لا بالله خدامة ابوها انا و الخدامه ليش جايبتها بالله

و الله لاردها للك انا تعطيني كف لا حبيبتي

خرجت من غرفتها وهي ناوية عليها اليوم لقتها جالسة مع عمها في الصالة : السلام عليكم

ردو : وعليكم السلام

كانت بتتكلم قاطعها عمها وهو يقول : روابي حضري قهوة جاينا رجال اليوم و نظفي المجلس

كانت تغلي من داخلها وهي تسمعه يتكلم و مرة عمها تشوف معها وكانها تحرها وتقهرها : حاضر عمي

راحت وهي تتحلطم حضرت القوة و راحت غرفتها كانت بتقهر مرة عمها صارت هي اللي مقهورة

@@@@@@@@@@@@@@@@@@@@@@@@@@@@@@@@@@@@@

تعريف روابي

بنت حلوة كثير عيونها عسلية حادة زايدة من جاذبيتها شعرها بني لاسفل ضهرها و وسمرا سمار يجذب و

شفايفها مليانه شوي و انفها عادي ... ما في اعند منها و قويه شخصية و اللي في بالها يصير و ما يهمها شي

قلبها ابيض و طيبة بس من يوم ماتو اهلها تعلمت انها تكون قويه و ما لازم تستسلم لان الحياة مازالت طويلة

قدامها و هي دايما في الليل لما تتذكر اهلها تبكي لحتى تحس راسها بينفجر لانها لايمكن تبكي قدام احد وتبين

ضعفها له ولو يكون اقرب الناس لها

عايشة عند عمها من يوم ماتو اهلها قبل ست شهور صحيح دخلت غيبوبة شهر كامل من الصدمة بس ما استسلمت

ولما خرجت كانت اقوى من قبل

عمها ابوبدر 45 سنة طيب على بنت اخوه بس طماع لابعد حد ويسمع كلام زوجته وهي اللي تمشيه و هو الاخو الوحيد لابو روابي

ام بدر 38 سنة ماهمها الا المظاهر و المال و خبيثة و تكره روابي لانها تشوف انها فسدت حياتها و صارت عالة

عليهم

بدر 15 سنة طيوب و عكس ابوه وامه و يحب روابي كثير ويعتبرها اخته الكبيرة اللي ما جابتها امه

نوف 10 سنين طيوبة بس احيانا تسمع كلام امها وتصير زيها

@@@@@@@@@@@@@@@@@@@@@@@@@@@@@@@@@@@@@

دخل عليها عمها بعد ما استاذن و جلس معاهاو هو يبتسم و قال :................

انصدمت و هي تسمعه و عيونها قدام :...........

انتهى الجزء ١٨

شنو تتوقعون بيصير !؟

في بيت قديم وهو حي فقير اول مرة نزوره

قامت الصبح اخذت شاور في الحمام الوحيد الموجود في البيت فطرت مع اهلها و خرجت لعملها بعد ما لبست

حجابها باحكام و لبست نظارتها الشمسية الكبير اللي تغطي نص وجهها و لثمتها

@@@@@@@@@@@@@@@@@@@@@@@@@@@@@@@@@@@@@

تعريف عايلة رازان

ابو العنود 60 مريض بالقلب حنون و طيب و هو ابو رازان كان من الاغنياء و المعروفين بس لما تزوج امهم

كريستينا فرنسية الاصل تبرى منه ابوه

و اخذ منه اغلب امواله وكتب كل شي باسم اخوه الوحيد واللي اصغر منه و من هذاك اليوم ما التقى فيهم و لا شافهم

حاول في السنوات الاولى يشوف امه بس ابوه ههددها بالطلاق اذا شافته من وراه و هدد اخوه انه يتبرى منه هو

الثاني

كريستينا 58 سنة جميلة جدا ومبين عليها اقل من عمرها حنونه وطيبة كثير من عيشتها في السعودية لتقريبا 35

سنة خلتها تتكلم العربية بشكل جيد

العنود 35 سنة ارملة عندها ولد واحد بسام 16 سنة جميلة وكل مرة تنخطب بس رافضة فكرة انها تتزوج

بعد زوجها المرحوم لانها تحس انها تخونه وتخون حبها له

الهنوف : متزوجه و مو مهمه في الرواية

رازان : 22 سنة حلوة وطيوبه تحب الاطفال كثير ما تزوجت رغم جمالها لانه الكل يقولون ما عندهم اهل امهم

وحيدة اهلها وابوهم متبرى منه والناس تتكلم عليها لانه خطيبها السابق عمل لها فضيحة وانها تخونه بسبب مشاكل

بينهم تشبه زارا لارسون كثير

@@@@@@@@@@@@@@@@@@@@@@@@@@@@@@@@@@@@@

في الحضانه اللي تشتغل فيها رازان

كانت جالسة تلعب مع بنوته صغيرة بعد ما بدلت لها ملابسها و اكلتها و تبي تنومها بعدين و قطع عليها عملها

طلب المديرة لها في مكتبها

في مكتب المديرة جلس امامها وهي متوترة ومرتبكه ما لها شهرين في الشغل هنا و عاجبها الشغل و ماصدقت

ان ظروفهم بدت تتحسن بها الشغل خايفة يطردوها رغم انها معروفة بحبها للاطفال و ان هي الوحيد اللي تشتغل

بحب و اتقان لعملها

قالت المديرة : رازان انتي تدرين انك اشطر وحد في الحضانه و الاطفال كلهم محتاجينك هنا بس اجا واحد يبي

مربية لبنته اللي عمرها 3 سنين في البيت وهو زوجته متوفية وعايش مع امه و الدوام نفس التوقيت من 8

الصبح ل 6 المسا و الراتب يكون ثلاث مرات راتبك الحين و انا اخترتك لاني اعرف انك الوحيدة اللي قد ثقتي

اتمنى تفكري كويس و ردي الخبر اليوم في الليل او بكرى الصبح لان الرجال مستعجل شوي

رازان بصدمه من اللي سمعته : بفكر

@@@@@@@@@@@@@@@@@@@@@@@@@@@@@@@@@@@@@

في بيت ابو سامي

رجع للبيت لقى امه في الصالة مع بنته و لين تشاهد التلفزيون نقزت بفرحة وهي تدور ورى ابوها : بابا وين ماما

قلت بتجي بكلة و ما اجت (قلت بتجي بكرة و ما اجت )

رد و هو مضطر يكذب على بنته : لا كنت بجيبها بس تعبت و وديتها للمستشفى .......و قال بحنية : لين صعدي

فوق شوي و اجيك اوك

لين بسرعة صعدت فوق و هي تقول : اوك بابا

ام سامي: و اخيرا ققرت تتزوج يا يمه تبي ادورلك على بنت

سامي بجدية : لا يمه انا قررت اجيب مربية للين و انا لايمكن اتزوج تعرفين رايي بهذا الموضوع

ردت ام سامي بزعل : مثل ما تبي الله يجيب اللي فيه الخير

سامي قام باس راسها و هو يقول : لا تزعلين يالغالية بس تعرفيني و تعرفي رايي بالموضوع انا لايمكن اتزوج بعد

المرحومه

ام سامي بحزن على ابنها : الله يرحمها

@@@@@@@@@@@@@@@@@@@@@@@@@@@@@@@@@@@@@

في بيت ابو رعد

تعبانه حيل ما نامت الا من ساعتين طول اليل و هي تتكلم مع فهد سمعت امها و هي تدخل لجناحها و تقول :

حبيبتي ريما قومي زوجك ينتظرك تحت

من الصدمه نقزت من السرير و ثواني وهي في الارض و قالت وهي فيها النوم : منو زوجي يمه

ام رعد وهي تضحك على بنتها : ههههههههه شنو حبيبتي نسيتي زوجك فهد ولد عمك

قامت لسريرها

قالت بتعب و هي شوي و تبكي : يمه الله يخليك قولي له تعبانة او نايمه و الله تعبانه

ام رعد خرجت من جناح بنتها و راحت لفهد اللي بحسبة ولدها : و الله ما ادري شقولك يا فهد بس ريما تعبانة

شوي

فهد برجاء : يمه الله يخليك سوي لي طرق اروح اشوفها

ام رعد استحت ترده : تعال معاي

@@@@@@@@@@@@@@@@@@@@@@@@@@@@@@@@@@@@@

ردت نامت بتعب و هي فرحانه ان امها ما لزمت عليها تنزل لفهد سمعت باب الخناح ينفتح و قالت بتعب و بدلع و

صوتها فيه بحة من النوم : ماما بلييز خليني انام والله تعبانة

كان ظهرها مقابل للباب و ما سمعت صوت امها ثواني بس و بدت تداعب انفها ريحة رجولية قوية و شوي و هي

تحس بيه بحضنها من ورى و ظهرها على صدره نزلت راسها بخجل منه اول يوم ويشوفها و هي نايمة يالله شنو

هالاحراج

قال فهد بحب : صباح الخير حبيبتي كيفك الحين

ردت بخجل و هي تلعب باظافرها : صباح النور ....الحمد لله انا بخير و بهمس: و انت كيفك

رد و هو فرحان : انا بخير الحمد لله

و كمل و هو يقول يالله حبيبتي انا استناك نروح نفطر برا لبسي و انا انتظرك

قالت بابتسامه وهي تقوم و عليها بيجامه وردي : اوك انت روح وانا الحين اخذ شور و البس و انزل لك تحت

و دخلت بسرعة للحمام اللي في غرفتها و اخذت شاور سريع و لبست روب الحمام و تركت شعرها المبلول على

ظهرها

و خرجت انصدمت وهي تشوفه

مازال جالس على سريرها و يطقطق بتليفونه

رفع راسه و شافها و هي بروب الحمام اللي يوصل للركبة و شعرها الاسود المبلول و يقطر منه الماي و فيه

قطرات على و جهها و شفايفها الصغيرة اللي لونها وردي اغراه شكلها و قام بيروح لها قرب شوي و ضحك على

شكلها و هي تدخل الحمام بسرعة و تقفل الباب مرتين بالقفل : هههههههههههههههه

ريما في الحمام كانت تبكي خجلانه من موقفها و خافت منه لما جا لعندها شوي بس و صارت شهقاتها تخرج

غصب عنها

انفجع و هو يسمع شهقاتها اكيد خافت مني يا ربي قرب من الباب و هو يقول : ريمي حبيبتي فتحي الباب كنت

امزح معاك

ريما : ........... ساكته بس تشهق من البكا

فهد بخوف عليها : ريما حياتي اذا تغليني وتحبيني فتحي الباب

ابتسم وهو يشوفها فتحت الباب و ارتمت فحضنه وهي تشهق و تبكي : حرا حرام عليك ااا انا كنت خايفة كثير

رد فهد وهو يلمها في حضنه : افا تخافي من حبيبك وزوجك

بعدت عنه بعد ماحست على نفسها و نزلت راسها للارض بخجل

رفع راسها بهدوء و هو يشوف وجهها احمر من البكا و الدموع على خدوده و شفايفها اغراه شكل شفايفها

انحنى و طبع قبلة على شفايفها بعد يهدوء و هو يشوفها نزلت راسها اكثر من قبل و قال بحب : اسف حبيبتي ...

يلا لبسي و انا استناك تحت في السيارة

خرج من الجناح وهي ابتسمت بحياء و راحت تلبس و هي مقررة تستسمح منه على تصرفها

@@@@@@@@@@@@@@@@@@@@@@@@@@@@@@@@@@@@@

في الليل

في بيت ابو اميرة

جالسين مع بعض و يسولفون قالت اميرة لابوها بتوتر : يبه شنو على موضوعي

رفع ابوها راسها وقال بجدية : اسف يا بنتي بس ما في دراسة بلندن تبين تدرسين ادرسي هنا انا مستحيل اخليك

تروحي بدون محرم و لبلاد الكفار ..... اذا تبين تدخلين اي جامعة هنا انا حاضر بس تدرسين برا لا

قالت و هي تناقشه : بس يبه ......

قطع كلامها و هو يقوم : انا قلت كلامي و اتمنى ما تتكلمي في هذا الموضوع مرة ثانية

راحت غرفتها ملجا احزانها و اطلقت العنان لدموعها اللي نادر جدا ما يشوفها احد

@@@@@@@@@@@@@@@@@@@@@@@@@@@@@@@@@@@@@

في بيت ابو العنود

خبرت اهلها بالشغلة الجديدة و رحبو بالفكرة خاصة ان ابوها صار ما هو قادر يكمل في شغله من تعبه بمرض

القلب

اتصلت على مديرتها و خبرتها بموافقتها

المديرة : رازان الشغل يبدا بكرى الصبح

رازان : اوك استاذة

المديرة : مع السلامه

رازان : مع السلامه

@@@@@@@@@@@@@@@@@@@@@@@@@@@@@@@@@@@@@

في بيت ابو سامي

اتصلت عليه مديرة الحضانة و خبرته ان المربية قبلت و بكرا تبدا الدوام و طلبت منه يجي عشان يتفاهمو

نام وهو يفكر في بكرا و شنو بيصير معاها و مع لين

خايف تكون من المربيات اللي يقسون على الاطفال او تكون تضرب بنته او .. ....... الخ

نام و هو خايف يندم على تسرعه في قراراته

@@@@@@@@@@@@@@@@@@@@@@@@@@@@@@@@@@@@@

انتبه لها وهي ترفع راسها وتمسح عيونها بطفولية وبراءة : بابا ليث تولت (بابا ليش طولت ) و تكمل والدموع

تلمع من جديد في عيونها : خفت كثيل انك تتلكني وحدي ( خفت كثير انك تتركني وحدي ) انا ما عندي ماما ويصيل ما

عندي بابا ( يصير )

حزن كثير على بنته مد ايده مسح دموعها بحنية و قال : حبيتي شنو قلنا على الدموع هذي

ردت ببراءة اطفال : شنو قلنا

رد بزعل مصطنع : خلاص انا زعلت ليش تبكين حبيبتي ليونة مو قلت لك ما ابي اشوف دموعك

نقزت باسته من خده وهي تقول بشقاوة : حلاص بابا احر مرة و الله ما عيدها ( خلاص بابا اخر مرة ...)

حضنها بقوة وهو يبوس خدودها : حبيبتي انتي .........احبك كثير ليونة

ردت وهي تقول بشوية زعل : وانا احبك بس ثوي مو كثيل ( وانا احبك بس شوي مو كثير )

قال بخوف انه بنته تصير تكرهه : ليش يا بابا انتي

قالت بزعل و هي شوي و تبكي : لانك ما جبت لي ماما

يالله كيف ما فكرت فيها البنت تبي ام تحبها و تحن عليها وتلعب معاها تسوي لها اشياء تبيها انا لازم اتصرف قبل

لاتصير نفسية البنت اسوا من كذا

رد بحنية وصدق : خلاص ليونة تبي الماما نجيب لها ماما

نقزت بفرح طفولي : احبك كثير بابا ....و باسته على خده بشقاوة و صارت تجري في الجناح بفرح : هيييي بابا

بيجيب لي ماما

رد بحنية : يلا حبيبتي اذا نمتي الحين بيجي الصبح بسرعة و ما تحسي بالوقت وتجي ماما

ردت ببراءة و هي تنام في حضنه : بابا ابي انام معاك ..... وقالت بشقاوة و هي تغمض عيونها كانها نايمه : انا

نمت جا الصباح و لا لا

راح الغرفته و هو حاملها وقال وهو يحاول يمسك نفسه ليضحك على شقاوتها : لا حبيبتي شوي و يجي الصبح

مددها على السرير و قفل النور و هو يتمدد قريب منها و نام وهو يحضن شي من ريحة الغالية وهو في باله فكرة لازم ينفذها

في بيت ابو سامي

في جناح سامي

وصل للبيت راح جناحه لقى الانارة مقفلة وهدوء في الجناح اخذ شاور و لبس ملابسه خرج من غرفته وراح

لغرفة بنته لين دايما مه تنومها في غرفنها ولما تتاكد انها نامت تروح لجناحها واحيانا تخليها تنام عندها فتح

الغرفه وصله صوت انين و بكا مكتوم فتح النور بسرعة وهو يتوجه لسريرها شافها مغطية نفسها بالشرشف

سحب الشرشف شوي شوي و بحنية سحبها له وضمها بكل حنان وحزن على حال بنته اللي ماتت امها وهي ما

وصلت لسنة وحدة حتى ممكن انها ما تعرف امها من كانت وعت على نفسها وهي تعتبرا جدتها هي

امها .......................... زاد في ضمها وهو يشوفها تشهق وتبكي مايدري يحزن على حاله وهو اللي ماتت

زوجته وحبيبته و يحزن على امه اللي من كان صغير وهي تحول تملي فراغ ابوه وتحسسه بحنان ابوه اللي مات

من 20 سنة و لا يحزن على بنته وحبيبته لين اللي كل ماتشوف بنت مع امها تغير و تصير معصبة ولما يتكلم ابوها

تصير تبكي و تشكي له ليش كل البنات عندهم ماما وانا ما عندي ماما دايما يصبرها انه بتشوف الماما في الجنه

بس هي بنت صغيرة ما تفهم وهي اصلا تحتاج ام خاصة وان جدتها صارت كبيرة وما هي قادرة على تربيتها